Í kvøld – 25. januar frá klokkan 18-20:30 føroyska tíð – verður spennandi temakvøld á Steno Diabetes Center Copenhagen um genetiska diagnosu av diabetes, sum hevur týdning fyri bestu viðgerð og vegleiðing. Til ber eisini at luttaka talgilt

Tað er viðurkendi granskarin, Torben Hansen, sum heldur fyrilestur. Hann er professari á Metabolismecentret á Universitetinum í Keypmannahavn.

Um temakvøldið stendur soleiðis:

Ættarbreðgi hevur stóran týdning fyri øll sløg av diabetes. Mong sløg eru av sjúkuni, og í dag kenna vit tað serligu arvaligu orsøkina til, at ein fær diabetes. Nýggj gen-tøkni ger, at vit í mongum førum kunnu seta ta røttu diagnosuna, og tann genetiska diagnosan gevur týdningarmikla nýggja vitan um orsøkir til diabetes og vandan fyri fylgisjúkum. Hetta er umráðandi fyri at fáa best møguligu viðgerð og vegleiðing.

Eftir steðgin á temakvøldinum verður møguligt at seta Torben Hansen spurningar bæði frá salinum og talgilt.

Hetta temakvøldið er fyri øll, t.v.s. fólki við diabetes, avvarðandi, fakfólki og øðrum,. sum hava áhuga fyri evninum.

Tiltakið er partur av temakvøldunum hjá Steno í Keypmannahavn, sum verða hildin í samstarvi við danska Diabatesfelagið.

Tilmelding: 

Ætlar tú tær at møta á staðnum, er evstamark at melda til klokkan 16 í dag.

Tú meldar til her.

Adressan er: Steno Diabetes Center Copenhagen (sunnara inngongd), Borgmester Ib Juuls Vej 89, Herlev Hospital.

Vilt tú fylgja við talgilt, skalt tú eisini melda til her fyri at fáa leinki sendandi við teldubrævi.

Tú meldar teg til við at trýsta á svarta bjálkan ovast.

Upptøka av temakvøldinum verður annars at løgd út á heimasíðuna hjá Steno í Keypmannahavn umleið tvær vikur eftir, at tiltakið hevur verið.