Korona hevur útsett okkara ætlaða hald, nú altjóða diabetesdagur er, men kortini kunnu vit hugsavna okkum um tey frambrot, sum verið hava, og tey, sum vit vóna koma skjótt

Fyri 100 árum síðani var tað sum oftast ein deyðadómur at fáa diabetes. Einasta viðgerðin var kostur uttan kolhydrat, og eftir fá ár við sjúkuni doyði tú annaðhvørt av diabetes ella í hungri.

Tí var tað eitt satt undur, tá granskarar fyri eini øld síðani funnu fram til insulinið, og sjúkan fór frá hesum ræðuligu útlitum til at vera ein, ið tú kundi liva við.

Tilvildin vildi tað so, at Danmark bleiv miðdepil í menningini av diabetesviðgerð.

Grunnurin hjá Novo Nordisk hevur gjørt fýra filmar, sum lýsa hesa søguna. Teir eru sera áhugaverdir og liggja frammi á netinum til øll at síggja. Filmarnir eita Undrið, Visiónin, Navnið og Stríðið.

Hyggið eftir filmunum her.

Danski fysiologurin, August Krogh, sum í 1920 vann Nobelheiðurslønina fyri sína staðfesting av, hvussu ilt kemur út í vøddarnar, spældi ein lyklaleiklut í menningini av insulinviðgerðini. Søgan um hann er serstakliga áhugaverd, og ein nýggj heimasíða er gjørd, sum lýsir hansara lív og virki, sum kom at hava so ómetaliga stóran týdning fyri diabetesviðgerð.

Heimasíðan um August Krogh er her.

Diabetesfelag Føroya ynskir øllum góðan atljóða diabetesdag. Tá koronustøðan er batnað, fara vit at hava limatiltak. Nærri kunning kemur.