Søgan um, hvussu viðgerð við insulini varð til, kundi tað sama verið tikin úr Hollywood. Hetta kom fram, tá morgunsendingin í Kringvarpinum setti ljóskastaran á, at 100 ár eru liðin, síðani fyrstu lívini vórðu bjargað við insulinviðgerð

Klandur og ærumeiðing, manglandi heiður og virðislønir eru í snúðningsdeplinum, tá søgan um insulin verður søgd.

100 ár eru liðin, síðani viðgerðin varð roynd á fyrsta sinni við hugaligum úrslitum, sum gav granskarum árræði at leggja enn meira fyri.

Síðani tá er nógv hent á økinum, og framvegis henda javnan framstig, soleiðis at lívsgóðskan hjá teimum, ið hava diabetes, áhaldandi verður betri.

Jens Andreasen, yvirlækni í diabetes, og Herborg Johannesen, yvirlækni í endokrinologi, greiða frá søguni og um, hvussu statt hevur verið í Føroyum hesa tíðina. Elin Michelsen legði tilrættis.

Lurtið eftir áhugaverdu samrøðunum í Góðan morgun Føroyum her.