Almennur fyrilestur um diabetes-strongd
Diabetesfelagið og Steno Miðstøð Føroya bjóða til sera viðkomandi almennan fyrilestur um ein trupulleika, sum rakar ov mong fólk við diabetes
Diabetes-strongd ella diabetes-distress rakar sera mong, sum hava kroniska diabetessjúku. Tí seta Diabetesfelagið og Steno Miðstøð Føroya hetta evnið á breddan á almennum fyrilestri í veitsluhøllini á Landssjúkrahúsinum tann 27. apríl klokkan 19:30.
Fyrilesturin heldur Ingrid Willaing Tapager, sum er virdur professari og granskingarleiðari á Steno Diebetes Center í Keypmannahavn.
Ingrid kallar sín fyrilestur “Gerandisdagurin við diabetes: Stúran, ørkymlan og kensluligir trupulleikar eru mangan partur av lívinum við diabetes – hvat vita vit um tað, og hvat kann gerast við tað?”.
Møtið fjølment, øll eru hjartaliga vælkomin.
