Tríggir nevndarlimir skulu veljast til eitt regluligt tvey ára skeið á aðalfundinum hjá Diabetesfelagnum 11. mars, og ein skal veljast fyri eitt ár at taka sæti fyri ein nevndarlim, ið ynskir at taka seg úr nevndini í ótíð

Diabetesfelagið hevur aðalfund mikukvøldið 11. mars klokkan 18 í Megd-húsinum á Íslandsvegi 10 í Havn.

Skráin fyri aðalfundin er sambært viðtøkunum. Tríggir nevndarlimir standa fyri vali til eitt nýtt tvey ára skeið hesa ferð, og harumframt skal ein nevndarlimur veljast í eitt ár, við tað, at ein nevndarlimur av persónligum orsøkum ynskir at taka seg úr nevndini í ótíð.

Arbeitt verður í løtuni við at fáa ein gestarøðara at koma á aðalfundin at greiða frá um viðkomandi evni á diabetes-økinum. Meira verður at frætta um hetta, tá avtalan er fingin upp á pláss.

Felagið bjóðar ábit og vónar góða undirtøku á aðalfundinum, har tað eisini ber til hjá nýggjum limum at tekna seg.

Vinalig heilsan

Nevndin